前紅軍離晒譜:早知加盟曼聯! – on.cc東網

利物浦同曼聯有幾咁唔啱,都唔使再點介紹。只要踢過其中一隊,基本上都唔會考慮轉投另外一隊,但迪奧夫就話好後悔當初選擇紅軍,而拒絕曼聯嘅邀請!呢名前塞內加爾國腳,曾於02年世界盃發光發熱,但轉投利物浦後非常失敗,跟手仲同紅軍名宿謝拉特同加歷查結怨。依家發表以上言論,可以話係沒完沒了。「我真係好後悔當年選擇利物浦。如果畀我再揀過,肯定會揀曼聯或者巴塞隆拿。嗰陣呢兩間大會都想要我。」迪奧夫當時踢咗利物浦三年,只係入咗三球,期間鬥些路迪時,仲曾向對手球迷大吐口水。支持本地運動員,一齊去「睇體」!https://bit.ly/2DxX4XI 東網體育FB同你追實體壇每個精彩時刻!

http://bit.ly/2ecTF2A